اعرفي عريسكي قبل الزواج

اعرفى عريسك بدري بدري.. من طريقة أكله ....؟؟؟؟

1- إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول
يبقى شخص معتدل في عواطفه وقراراته ويبقى ده آخر
الرجال المحترمين..
كلبشي.. واستعجلي الزفاف والحياة هتبقى بمبي

2- إذا كان بيحب الأكل زي عينيه.. وأول ما يدخل من الباب وقبل ما يقول
لك ازيك يقول لك ريحة التقلية تجنن ياروحي إنتوا عاملين ملوخية على أرانب؟؟.. أموت أنا.. ويقعد ياكل ويحشر لحد ما يغمى عليه.. يبقى إنسان طفس.. وهوائي.. وطايش.. وأوعي تتجوزيه أحسن ياكلك وانتي نايمة....؟

3- أما إذا كان مش مهتم بالمرة.. لايقولك ده حلو ولا ده عادب ولا مالح ولا مستوي ولا لسه ني ولا بيعلق أي تعليق.. وعمره مايقولك جعان أو شبعان يبقى إنسان مالوش لزمه.. وزي قلته.. وأنصحك بدل ما تتجوزيه
إتبنيه.. وهاتعيشي إنتي الراجل والست ف وقت واحد واعملي حسابك **************

4- أما إذا كان بياكل زى مايكون حد بيجري ورااااه وساعة الأكل بيجيله حالة صرع معوي.. ويقوم من ع الأكل قبل أي حد تاني يبقى متسرع.. ومتهور في اتخاذ قراراته وممكن بعد الجواااز يكتشف إنك لست ملهمته..ولست فتاة أحلامه ولستِ حلمه.. ويروح مطلقك بالتلاتة.. إخلعي إنتي بدري أحسن لكرامتك

5- أما إذا كان بياكل على مهله.. ويمزمز.. ف كل صنف لوحده.. ويسأل عن كل صنف إيه مقاديره ومعمول إزاااي ويقعد يستطعم ف الأكل من العصر للمغرب حاسبي منه يا اختي ده النوع اللي له مخ.. وبيوزن الأمور بطريقه
تفقع المرارة.. ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟ نظااااام شلل رعاش
بدري.. بدري.. إخلعي يا أمي
6- أما إذا كان بيقعد يقطع ف الأكل زي مايكون ف خناقة ويخبط فطبق من الغل.. ويقطع حتة اللحمة زي ما يكون بيدبحها.. ويتفتف.. ويتكلم.. طول ماهو بياكل لما يغرق وشك أكل.. ده
شخص عصبي جدًاااا.. ومع أول خناقة هايروح مناولك بالكرسي ف راسك أو بالسكينة ف عينك يعمل لك عاهة مستديمة وبعدين.. يهدى.. ويقول لك سوووري ياروحي هي جت فيكي.. معلش"
""معلش برَّه يا حبيبي وخد الباب ف أيدك""
7-
أما إذا كان دايمًا قرفاااان دايمًا مش عاجبه العجب ولا الصيام في رجب.. يع.. الملوخية تقيلة.. ياي.. السمنة كتيرة على وش الشوربة اساتر.. دا محشي ولاصوابع مووووز.. أووووف.. الرز محصويل.. يامَّه
المكرونة معجنة.. إذا كان كده توكلي على الله وهاتي أحمى ساطووووور
عندك وأنا أعرف لك واحد محامي
هايطلعك منها زي الشعرة م العجيييين

والأحسن من ده كله..... مالها القعدة ف بيت أبووووووووكي؟؟

........................................
منقـــــول للضحك فقط000 ولا اوافقهُ الرأي

فى الموضوع خاصه الفقره الاخيره

صح مالوا بيت ابويا احسن
ههههههههههههه
اشكرك يامحمود

ههههههههههههههههههههههههههههههههههههههههههه
انصح كل البنات اللى فى المنتدى ميسمعوش كلام محمود ده انت كدة مش هتخلى حد يتجوز
شكرا يا محمود على الموضوع العسل ده
ومنتظرين المزيد اعرفي عريسكي قبل الزواج 50908

اللى عاوز يتجوز يجليى وانا اخترلية
عريس على مزاجى

هههههههههههههههه
اختاره وابقى اتجوزه انت بقى

الناس لازم تختلف فى
الاذواق
والطباع
حتى تكون الحياة حلوة
فنشكر ,او مرة فنحمد
فى السراء والضراء.
انا بقى بنصح كل واحدة انها
تفصل عريس مش تعيش قصة
حب وخطوبة وجواز وخناق
ليل نهار ثم طلاق.
ها

ها

ها

تشى

الحمدلله

اظن ان مفيش بنت في جامعة ممكن تجوز واحد من جامعة او صاحبها لانهم هيكونوا زهقوا من بعد علي طول مع بعد بيكلموا مع بعد بيحكوا لبعد فا ماظنش ان لما يجوزوا بيبقوا مرتاحين مع بعض هيكلموا في اية ,هيكونوا زهقوا من وش بعض بس خلاص
تحياتي كم جميعن
شكرا محمود علي الموضوع الحلو دة ههههههههههههههههههههههههههههههههههههه فعلن هو للضحك بس ههههههههههههههههههههههه Smile

شكرا يا فنان يا مسكت البنات من غير سهيات

شكرااااااااااااااا ليك ع الموضوع

شكرا لك يامحمود على جهودك

موضوعك جميل ومضحك[

ههههههههههههههههههههههههههههههههه شكرا يا محمود على مجهودكالجامد دة

شكرا يا جماعة على ردودكم